牆上一整排鋁質茶罐，不同顏色的招紙上寫上茶名，型格十足。 

常餐以外  

:jrink 地址：大坑安庶庇街 21號地下 電話： 2284 4203

繼續撐【新派茶吧八十款茶味】

Ads by Google

香港的飲茶潮流漸成氣候，新開茶吧:jrink主理人 Jess稱：「在美加大約五六年前開始流行飲茶，茶吧有連鎖的 Teavana，亦有不少獨立小店。自己鍾意飲茶，覺得較健康，最重要可以按照自己心情及狀態去揀，好似想提神就飲紅茶，解膩滯飲烏龍最佳。」

Jess於各地搜羅了八十款茶葉，分成紅茶、綠茶、白茶、烏龍茶、抹茶、花茶、果茶及南非茶（ Rooibos）八個類別，除了二十款傳統中式茶如普洱、白毫銀針，大部分都是新派的混合茶，每種冠上獨特名字，如 Elephant Dream、 Mango Madness等，單睇名好難揀，可以先聞聞茶葉才決定。最特別一種叫 Alchoholiday，竟帶有濃烈酒精味！ Jess推介新興的南非茶，不含咖啡因，茶味濃郁帶甜。飲法有熱飲、凍飲之外，部分茶可加奶製成 latte，愛濃味的可試試 chappuccino，製法跟意式咖啡一樣，將茶製成 espresso再加奶及奶泡，似甘香版的奶茶。店中一部價值十多萬的 Steampunk咖啡機最吸睛，暫時全港只有兩部，用來沖泡凍茶或 latte，可充分發揮出茶葉精華。唔飲咖啡，偶爾來一杯茶也不錯。

這部 Steampunk咖啡機，分量、沖泡時間及水溫都經電腦控制，亦可保持水溫，充分帶出茶葉味道。 

Ex'special$30南非茶粉放入壓縮咖啡機沖成，再加上打得幼滑的奶泡，順滑香濃，不用加糖已經夠甜。 

Three Wishes$52/壺茶葉有薰衣草、玫瑰、萬壽菊、蘋果及木瓜混合而成，清香帶甘，每壺可沖兩至三杯。 

Secret of 1825$30依照 1825年秘方製成，有蘋果、洛神花等，入口帶酸， aftertaste有菠蘿及椰子香甜味。 

(繼續閱讀...)