Blogtrottr

明星八掛大分享★☆ :: 痞客邦 PIXNET ::

中環人語何東後人　舔埋最後一筆 (宗菁華)

Jan 29th 2015, 14:54

何東花園賣得好價，何勉君真係印印腳咯！（《蘋果日報》圖片）

中環人語

何東後人　舔埋最後一筆

Ads by Google

何東花園以五十一億元天價成交，創下香港歷年最貴屋地紀錄。計埋呢件，何東家族喺香港嘅物業已賣得九九十十。二十年前起，佢哋賣走深水灣道三十五號、布力徑六至十號、及講明「三不賣」的承業大廈及東英大廈，咁多年加埋套現超過七十三億，數目驚人！小宗翻查土地註冊處資料，何東花園由何東孫女何勉君一個人持有，雖然佢係美國籍要交重稅，但剩低嘅都夠印印腳唔使憂咯！

至於何東其他後人，當中孫仔何鴻毅退休後定居溫哥華，專注佛學，另一孫何鴻章，幾年前同舊情人「十姑娘」及兒子對簿公堂，現已甚少公開露面。最活躍反而係何東曾孫何彪，佢被影到同翁靜晶喺中環甜蜜繑手。現時何東家族淡出香港，諗落令人唏噓。想當年英國佬歧視華人，曾通過法例不准華人在山頂居住。因地產致富嘅何東多次挑戰，最終喺一九○六年買入山頂，成為首個入住山頂區嘅華人，後更發展何東花園。而家何東花園地皮最終由「重慶李嘉誠」張松橋買入，見證住香港嘅揸弗人又再轉庄。

室內設計富中西特色。（《蘋果日報》圖片）

昔日居高臨下嘅景致，已成過去。

(繼續閱讀...)

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions