寵物家

狗公園　廢唔廢？

有狗主話香港嘅寵物公園，根本只係施捨。點解？因為好多所謂寵物公園其實只得塊空地，乜嘢配套都無。其實小狗同小孩子一樣，去到遊樂場，除咗行吓跑吓，都鍾意捐窿跳高。適逢全港最大嘅將軍澳寵物公園啟用，一於帶埋狗主、小狗同專業獸醫實地點評設施場地，睇吓係人狗 user friendly，抑或廢到無比？

晚上關門難放狗

號稱全港最大，佔地十二萬呎的將軍澳環保大道寵物公園於上月啟用，開咗都冇乜人知。原因？地點太「騎呢」！位於邵氏片場及清水灣半島中間，由最近的康城港鐵站出發，亦要行二十分鐘。最離譜是公園開放時間是早上七時至晚上七時，香港地，誰有閒情逸致於日間放狗？有傳是怕附近居民投訴噪音。向康文署查詢過，可惜至截稿前仍未有回覆。
見公園綠草如茵，以為狗仔有好多地方跑動？錯！大部分草地都是在公園範圍外面，而公園設有大寵物區（ 20公斤以上）和小寵物區（ 20公斤以下）各一個，兩個公園中間有一條斜路落第三個園區，無分大小犬隻。公園外有一條單車徑通往單車公園，不過已不屬於寵物公園範圍。隨行的東九龍動物醫院獸醫 Katherine指，大小犬隻區內的草坪不夠讓狗隻跑動伸展，若多幾隻狗仔，甚至可謂擠逼。她指草地地較石屎地適合狗仔，因可減輕牠們的關節負擔。而大小犬隻區的設計甚無特別，主要設施就是一個狗糞收集箱，一個沙池和數張椅子。雖然狗仔有得出來散步已經好開心，不過不禁問一句，香港寵物公園的設計就只是這樣嗎？有職員派發問卷，內容圍繞對公園的滿意度及改善建議，希望有關部門收到意見後會認真處理吧。

一欄之隔，能讓狗仔活動的草地範圍其實極小，欄外的草地已經非狗公園範圍。 



三個園區各有一沙池，不過 Katherine指若不勤於清潔沙池，反而容易滋生細菌，倒不如加多幾個狗糞收集箱和提供撿糞膠袋。另外，蔭棚不足，天時暑熱，狗仔長時間曬太陽會容易中暑。 

既然職員遞來問卷，獸醫 Katherine就順道提供專業意見，她說這裡蚊蟲太多，先做滅蚊要緊。 

大狗區內有太陽能捕蚊蟲器，獸醫 Katherine指蚊子會傳播牛蜱和心思蟲，不過整個公園就只得一個捕蟲器，完全不夠用。

(繼續閱讀...)