沙巴龍躉（細）時價（約$228）龍躉仍然游水，即叫即劏，魚肉實淨帶魚油香，但比野生大龍躉環保得多。 

常餐以外

火鍋鬥靚料【深水埗礦泉水湯底】鍋居火鍋專門店 地址：深水埗福華街 191號地下 電話： 2780 1618

深水埗火鍋店多是地踎格局的大牌檔，想吃得舒舒服服，可到新開業的鍋居，難得裝修簡潔企理，大部分座位都是卡座，更設貴賓房。老闆連生曾在筲箕灣東大街開設人氣小菜店囍館，今次首次踏足火鍋界，主攻區內年輕斯文客。他夥拍前九龍城金牛火鍋老闆、在火鍋界打滾幾十年的高生，有本事可拿到靚牛肉及食材，又請來曾在輝哥火鍋工作的大廚英哥助陣，英哥刀功一流，切肉及魚類都厚薄均勻，丸類是自家手打，足料大粒，並非一般行貨。

雖然配料款式偏向保守，勝在選料夠精，如 off menu的至尊級肉眼邊，是肉眼最嫩滑部位，一隻牛只做到四至五份，質感腍滑，牛肉味濃，每日限量供應。海鮮如美國桶蠔、蟶子王都用上最大 size，連響鈴都指定用老字號樹記出品。特別着重湯底，十一款選擇中，以椰青礦泉水走地雞湯底最有特色，一般清水效果遠不及沒有雜質的礦泉水。上枱時在客人面前用兩個新鮮椰青加一支礦泉水作湯底，滾起後加入半隻雞，不下一粒鹽，滿口椰子清甜，用來烚海鮮、牛肉可突出原味。秘製豬肚竹絲雞，單是準備都要花五小時，用豬肚包着竹絲雞，加入黨參、北芪、茶樹菇等原煲燉三小時，全部逐份製，湯底清甜不肥膩，可先將靚湯飲掉，才加豬骨湯打邊爐。豬骨湯熬足六小時，魚湯亦煎香鯪魚骨及鰂魚，奶白色盡是魚香。有誠意但價錢不算貴，配料平均由$25至$78左右，算抵食了。

至尊級肉眼邊$298、枝竹海皇大魚頭鍋$108肉眼邊保留了脂肪，烚至七成熟最好吃，比牛頸脊更軟滑更有牛味，大魚頭鍋魚味突出，用上樹記枝竹，厚身有質感。 

豬天梯$78只取新鮮內臟，如黑百葉、鵝腸等，豬天梯屬豬上顎，烚後變得脆身。 

椰青礦泉水走地雞鍋$138用泰國椰青配礦泉水，沒有椰汁雞湯般香甜，但味道清新，甜味自然，烚海鮮後湯底更好飲。 

秘製豬肚竹絲雞鍋$218原隻竹絲雞釀入豬肚內，藥材足料，湯底毫不油膩，鮮香帶有藥材味。 

(繼續閱讀...)