close
Blogtrottr
明星八掛大分享☆ :: 痞客邦 PIXNET ::
明星八掛大分享☆是香港知名網站之一，網站創於2011年，以娛樂報導為主力,透過多元化資訊， 及提供 本地娛樂 外地娛樂 政治時事 娛樂八掛 影視名人 生活 財經 健康 飲食 寵物 潮流 旅行 旅遊 新奇 食譜 等 報導。 是提供讀者獲取娛樂資訊的最佳平台。 
中環人語 朱太 派錢　位位一百 (宗菁華)
Oct 24th 2013, 14:21


朱太（後左二）拉埋阿仔朱俊浩（後右二）、老公朱沃裕、母親馬少芳及父親李樹福（前排右至左），請老街坊食盆菜；老太影相都不忘攞住成疊「紅衫魚」，準備派街坊。（嚴寶權攝） 

中環人語

朱太派錢　位位一百

眾所周知，金利豐朱太李月華，細細個就喺鴨脷洲長大，對呢個島仔感情特別深。每年佢都會返嚟呢度搞幾百圍盆菜宴，請成二千個老人家食飯，回饋一班睇住佢大嘅老街坊。上星期六，已經係第十一年，佢阿爸李樹福、母親大人、老公，同埋响先施表行（ 444）揸旗嘅囝囝朱俊浩（ Kingston），都有出席。

 


朱太每年都派利是俾人瑞級長者。（嚴寶權攝） 

朱太大搞先施表行，當晚梗係請埋旗下 Franck Muller嘅代言人「 Cool魔」張智霖做嘉賓，仲有盧海鵬、蓋鳴暉等等，氣氛好澎湃。朱太仲周圍派利是，小宗𥄫到封封紅衫魚，肉眼見佢自己派咗二、三百封。不單朱太，佢老公又派、阿仔又派、李樹福夫婦亦派，氹得一班長者笑到見牙唔見眼。以朱太嘅財力，呢鋪實在小兒科。之所以，呢個盆菜宴好受歡迎，以往擺一百九十圍，今年要加碼到二百一十三圍。
而家嘅朱太一身珠光寶氣，當年都捱過，佢同小宗講，阿爸李樹福做漁船生意，嗰時未有大橋連接鴨脷洲同香港仔，每日都要坐街渡返學。之後到澳門發展，環境好咗，不過，佢哋依然無忘記鴨脷洲，佢媽媽仲住喺區內鴻福閣，經常同班街坊打牌添！
You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions
arrow
arrow
    全站熱搜
    創作者介紹
    創作者 yisoajkls 的頭像
    yisoajkls

    2016徵求年菜推薦網路訂購最紅的商家.年菜訂購?台北年菜外送餐廳推薦(年菜)?年菜.今年不想做年菜推薦,網路宅配哪一家好?

    yisoajkls 發表在 痞客邦 留言(0) 人氣()

    E-mail轉寄