1:00 PM 

家長日

走出溫室　小孩野外歷險

自理能力差、心靈脆弱、橫蠻彷彿成了港孩的標籤，有家長不欲標籤變成事實，決心讓小孩走出溫室。 11位 8至 10歲的王子公主，第一次孭着大背囊，「離家出走」，體驗野外求生。全程雖有導師傍實，但天氣不似預期，風大雨大下露營行山瞓街，咪話唔辛苦。 4日 3夜之旅，未必能教曉他們生活上的大道理，但至少遇上困難不再依靠父母，學識自律「唔扭計」！

第 1日　紮營變瞓街

活動內容：第一天先讓小朋友認識新朋友和適應環境，學習紮營。

天氣報告預測將有狂風暴雨，家長們聞言憂慮，但見導師個個體格精壯，即時大感放心。活動主任 Han（右二）和活動總監 Milk（右）向家長講解 4日行程，又叫家長收回小朋友的電話，免得他們分心。

首站營地設在糧船灣，由西貢碼頭搭快艇而至，快艇走過泛起浪花，迎臉吹來陣陣涼風，小孩大叫刺激，個個都話爽！1:30 PM 

營地選在沙灘旁，附近有洗手間夠方便。小朋友排排坐學紮營，大家躍躍欲試， 45分鐘已紮好 3個帳篷。3:30PM 

晚餐時間到， 4位女孩主動幫手切番茄洗雞翼，樂在其中玩真實版「煮飯仔」，反而 7個男生顧住玩冇晒影。5:30 PM

煮食主要由導師負責，三餸一湯，有菜有肉，味道當然不及媽媽煮的好味。7:00 PM 

夜晚 11點，大雨滂沱，雷聲此起彼落， 3個帳篷相繼入水，大家爭相搵阿 Sir打救。11:00 PM 

原本做事慢吞吞的小朋友，危急關頭快速收拾行李，一抽二袋逃離帳篷至對面海鮮酒家避雨。

經過風雨洗禮，全身濕晒之餘還要扭乾毛巾，整理行李，個個嗌晒救命。11:30 PM 

風大雨大，惟有在酒家地下打地鋪。男孩子趁着導師入營休息，拿起電筒玩足成晚，無瞓過。12:30 PM 

(繼續閱讀...)