《神鎗狙擊》中， Miki飾演周海媚細妹，因家姐被黑幫尋仇，連累自己被人綑綁施暴，睇佢做到七情上面，雖然應該冇乜暴露畫面，但尖叫聲搭夠囉！ 

FBI

撼子珊 1秒輪姦　 Miki施暴有衫着

追足個半月嘅《衝上雲霄Ⅱ》終於播完，最高收 41點、平均都高開 38，開晒香檳啦要！雖然冇得再睇 Sam哥 Cool魔，但 FBI都幾睇好接住上嘅新劇《神鎗狙擊》，因為卡士一啲都唔弱，除咗有好戲之人張兆輝、周海媚同徐子珊孭飛，仲有一班新紮姐仔好似岑麗香同楊愛瑾（ Miki）加入，絕對有贏面。

近排 TVB劇最鍾意加插啲情慾戲吸引收視，好似子珊上次同林峯嗰套《雷霆掃毒》，子珊上演只有 1秒嘅輪姦鏡頭，雖然被網友鬧爆，但起碼成功製造話題呀。今次《神鎗狙擊》又照辦煮碗玩施暴，不過今次受害人就係 Miki。 FBI八到劇裏面一班黑社會想搵周海媚尋仇，點知搵唔到，最後捉咗飾演佢細妹嘅 Miki做人質不特止，仲向佢施暴。講真，電視尺度，施暴戲唔慌會好激就預咗，不過 FBI最關心，呢場施暴戲會唔會係 1秒咁短就當交代咗呢？ Miki同 FBI講：「最初睇劇本時，原本我係要俾人剝剩底衫褲，好彩埋位時導演覺得太激，驚出唔到街先取消咗。雖然我唔知出街時場戲有幾耐，但我就拍咗成半個鐘，都好辛苦㗎！」唉，結果剝剩底衫褲，變咗着晒衫褲添囉！
Miki咁搏，身為「女一」嘅子珊更加瞓身，原來劇中子珊有好多捉賊嘅動作場面都親身上陣。咁鬼搏，好明顯係想同嘉欣 BB爭做視后喎！

子珊飾演有組織罪案調查員，經常出現同大賊駁火嘅場面，好似呢場爆玻璃鏡頭，玻璃碎係由 CG製造，但飛撲場面係子珊親身上陣，好賣命啫！ 

雖然唔係做神槍手，但上週四（ 5日）《神鎗狙擊》宣傳， Miki亦着住軍服揸槍配合宣傳，其實喺戲入面完全唔使揸槍。 

(繼續閱讀...)